ျRecent Myanmar Affairs

မြန်မာပြည် နိုင်ငံရေးရာသီဥတု အုံ့မှိုင်းနေပါသည်...။
နိုင်ငံတစ်ကာမှ ဖိအားပေးမှု၊ ကုလ၏ တောင်းဆိုမှု၊ နိုင်ငံတစ်ကာ မီဒီယာများ၏ ထိုးနှက်မှု စသည်တို့ကြောင့် ဖြစ်စဉ်တစ်ချို့တွင် စစ်အစိုးရမှ လိုက်လျောမှုများကို ကနဦးတွင် ပြသခဲ့သော်လည်း ယခုအခါ ယခင်အတိုင်း ဒုံရင်းဒုံရင်း အခြေအနေသို့သာ ပြန်လည် ဆိုက်ရောက်သွားပါသည်။
၁။ ဂမ်ဘာရီမှ ဒေါ်အောင်ဆန်းစုကြည်၏ သဘောထားကို (ပြည်တွင်းတွင် ထုတ်ပြန်ခွင့်မရခဲ့သော) ဘန်ကောက်တွင် ထုတ်ပြန်ခဲ့ရာ စစ်အစိုးရမှ မဆိုင်းမတွပင် အရေးယူဆောင်ရွက်ခဲ့သည်။ ယင်း၏ နောက်လိုက် ငြိမ်းချမ်းရေးယူထားသော အဖွဲ့အစည်းငယ်များ၊ ပလဲနံပ သင့်ကာ မတော်တရား စီးပွားရေး အခွင့်အလမ်းများ ရယူထားသည့် အဖွဲ့အစည်းများမှာ ကန့်ကွက်ကြောင်း ကြေငြာချက်များ ထုတ်ပြန်စေခဲ့သည်။
၂။ နိုင်ငံတစ်ကာ လူ့အခွင့်အရး စောင့်ကြည့် အဖွဲ့အစည်းများ၊ ကုလ အေဂျင်စီများ၊ နိုင်ငံတစ်ကာမှ ဖိအားပေးမှုများကြားမှပင် နိုင်ငံရေးအကျဉ်းသား အဖြစ် အဖမ်းခံရသည့် ဦးရေ တိုးပွားနေပါသည်။
၃။ ဒေါ်အောင်ဆန်းစုကြည်မှ အကောင်းဆုံးကို မျှော်လင့်ထားပြီး အဆိုးဆုံးအတွက် ပြင်ဆင်ထားကြပါ ဟူသော message သည် ကောင်းသောရလာဒ်တစ်ခု မဟုတ်သည်ကို စောင့်ကြည့်အကဲခတ်သူများ သတိထားမိခဲ့သည်။
၎။ စစ်အစိုးရ ထိပ်ပိုင်းခေါင်းဆောင်နှင့် သူ့အပေါ် သြဇာအာဏာ လျွါးမိုးသော သူ့မစေသီတို့၏ ကျန်းမာရေး အခြေအနေ ဆိုးရွားလာမှုသည် အနာဂတ် စစ်အစိုးရ၏ ခေါင်းဆောင်ပိုင်းရာထူး အပြောင်းအလဲကို တစ်စုံတစ်ရာ မှန်းဆစေနိုင်သော်လည်း နောက်ာလမည့် မောင်ပုလဲ ဒိုင်းဝန်ထက်ကဲမည့် အဖြစ်အပျက်မျိုးကို မြန်မာပြည်သူများ မလိုလားကြသည်မှာ သေချာပါတသည်။
ကိုယ်ကျိုးရှာတတ်သော နိုင်ငံခေါင်းဆောင်များ၏ အုပ်စိုးမှု၊ မှားယွင်းသော နိုင်ငံရေးဦးဆောင်မှုများကို ပြည်သူများခါးသီးစွာ ခံစားနေခဲ့ရသည်မှာ ဆယ်စုနှစ် ၆ နှစ်စာ ရှိခဲ့ပြီဖြစ်သည်။

နိုင်ငံ့ခေါင်းဆောင်များ အမြင်မှန်ရမည့် အချိန်ကား ...
မြန်မာပြည်အတွက် ရင်ထုမနာ ဖြစ်မိပါသည်။

Who Am I ?

အစ်မကြီး ခင်မင်းဇော်က tagging လုပ်ထားတာကို ဒီနေ့မှ တွေ့လို့ ပါ။ အစ်မကြီးစာတွေကိုပဲ ခိုးcျရမှာပ။ အလုပ်တွေနဲ့ ပိနေလို့ ဘလော့ဂ်ဖက် မလှည့်နိုင်တော့တာ ခွင့်လွှတ်စေချင်ပါတယ်။
ပုံပန်းသဏ္ဍာန်ကို အရင်မိတ်ဆက်ရရင်……..

၁) မျက်နှာကျပုံကတော့ ဘဲဥ ပုံ။

၂) မျက်ခုံးမွှေးသိပ်မထူ

၃) နှာတံမပေါ်ပါ။ နှာတံထိပ် လုံးပါတယ်။

၎) မျက်လုံးမျက်ရစ်မပါပါ။

၅)နှုတ်ခမ်းထူပြီး ပါးစပ်ပြဲပါတယ်။

၆) အရပ် ၅ ပေ ၈ လက်မရှိပါတယ်။ ၇၂ ကီလို လေးပါတယ်။ ဘော်ဒီဝိတ်ကို အမြဲထိန်းထားတာ မဟုတ်ပေမဲ့ အဲဒီနားတစ်ဝိုက်ပဲ တစ်ဝဲလည်လည် နေပါတယ်။ ဗိုက်မဆိုစလောက် ပူလာပါတယ်။ ဘီယာသောက်ဖြစ်ပြီး အလုပ်က စားပွဲကနေ ထိုင်ရာမထ လုပ်နေရတဲ့ အလုပ်ပါ။

၇)အဓိက အသားရောင်ကတော့ ခပ်လတ်လတ် ခေါ်ရမလားပဲ။

၈) ဆံပင်အရောင်ကတော့ ဖြောင့်စင်း မဲနက်ပါတယ်။ သေမင်းကတော့ ဟိုနားဒီနားမှာ အလံဖြူတွေ လာစိုက်နေပါပြီ။

စိတ်ဓါတ်ကတော့……

၁) ကိုယ်မှန်တယ်ဆိုပေမဲ့လဲ အခြေအနေ အချိန်အခါကြည့်ပြီး ပြောပါတယ်။

၂) သူတပါးကို မတရားလုပ်နေတယ်လို့ မြင်မိ ခံစားမိရင် တတ်နိုင်သလောက်တော့ ၀င်ဖြေရှင်းပေးပါတယ်။ကိုယ်နဲ့ မဆိုင်ပဲလဲ ပြသနာထဲကို သေသေချာချာ ၀င်ပါတတ်ပါတယ်။

၃) တယောက်နဲ့တယောက် အမြင်မှားပြီး တည့်တည့်မရှင်း ကွယ်ရာက ပြောနေသူတွေ တွေ့ရင် တတ်နိုင်သလောက် တစ်ယောက်ချင်းစီကို နားဝင်အောင် ပြောပြပြီးမှ သူတို့ တွေ့တဲ့အချိန်လောက်ကို ကြားဝင် ဖြေရှင်းပေးတတ်ပါတယ်။
၎) ကိုယ် ဂတိပေးပြီးရင် ဘယ်လိုအကြောင်းနဲ့မှ မဖောက်ဖျက်တတ်သလို ဖောက်ဖျက်သူ တွေ့ရင်လဲ မဆက်ဆံတော့ဘူး။

၅) အချိန်နဲ့ ငွေရေးကြေးရေး ကိစ္စတွေ၊ ဂတိသစ္စာတွေကို တန်ဖိုးထားချင်သော်လည်း တစ်ခါတစ်လေ အကြောင်းကြောင်းကြောင့် ဖေါက်ဖျက်လိုက်ရတာတွေ ရှိတတ်ပါတယ်။ ချိန်းထားတာရှိရင် နောက်ကျတ်ပါတယ်။ အားနည်းချက်တစ်ခုပါ။ ဘယ်ငွေကိုမှ အလွဲသုံးစား မလုပ်ခဲ့ဘူး။ (မိဘပိုက်ဆံကိုတော့ လိုသည်ထက် ပိုတောင်းဖူးတယ်။)

၆) အလုပ်မရှိရင်လဲ နေတတ်တယ်။ သီချင်းဖွင့် ရုပ်ရျင်ကြည့် နေလိုက်တာပဲ။

၇) ကိုယ်လုပ်သလို သူများတွေကိုလဲ အလုပ်ကို စိတ်ပါလက်ပါ တက်ကြွစွာ လုပ်ကိုင်စေချင်တယ်။

၈) ဆရာလုပ်ရတာ ၀ါသနာပါသလို ကိုယ်တပည့်လုပ်ရချိန်မှာလည်း ရိုကျိုးစွာ ခံယူဖို့ အဆင်သင့်ပဲ။

၉)စကားများများပြောတတ်ပါတယ်။ ပြောလွန်းလို့ မနည်းတားယူကြပါတယ်။ တစ်ချို့ဆို မကောင်းတတ်လို့သာ နားထောင်နေကြတာ.. နားမထောင်ချင်ကြဘူးဆိုတာ မျက်နှာမှာ အထင်းသား ပေါ်နေပါတယ်။

၁၀)ငွေကိုတန်ဖိုးထားပါတယ်။ ငွေကို မရရအောင် ရှာပါတယ်။

၁၁) မတရားတာ မဟုတ်တာ ဘယ်သူ့အပေါ်မှ မလုပ်ဘူး။ ကိုယ့်အပေါ်လုပ်ရင်လဲ သည်းခံစိတ် မထားတတ်သေးဘူး။

၁၂) လူတယောက်ကို ခဏတွေ့ဆုံ စကားပြောပြီးတာနဲ့ ဒီလူနဲ့ ဆက်ပြီးလက်တွဲလို့ရမရ စိတ်ထဲက အမြဲ အဖြေရှိနေတယ်။ အဲဒီအဖြေကလည်း မှန်ချင်မှန်တတ်တယ်၊ မှားချင်လဲ မှားတတ်တယ်

၁၃) ကိုယ့်ကြောင့်ဖြစ်လာတဲ့ အပြစ်ကိုလဲ တစ်ခါတစ်လေ လွဲချတတ်တယ်။ မကောင်းမှန်းသိပေမဲ့ ကိုယ့်အကျင့်က အဲလို ဖြစ်နေတာ။ ပြန်ပြင်ရမယ်။ သူများက မပြောရဲတာမျိုးကိုလဲ ခေါင်းအငှားခံပြီး ပြောပြတတ်ပါသေးတယ်။

၁၄) အားလပ်ရက်တွေမှာ အပေါင်းအသင်း မိတ်ဆွေများနဲ့ ပျော်ပျော်ပါးပါး တွေ့ဆုံပြီး တစ်ခုခု ပြောချင်ပါတယ်။

၁၅)လုပ်မယ်လို့ စစဉ်းစားတဲ့အချိန်မှာ နည်းနည်းတွေဝေတတ်ပေမယ့် ဆုံးဖြတ်ပြီးရင်တော့ နောက်မဆုတ်တတ်တော့ပါဘူး။ (အစ်မခင်မင်းဇောနဲ့ ဒီနေရာမှ တူနေပါတယ်။)

၁၆)ဆန့်ကျင်ဖက်လိင်တွေကတော့ ကိုယ့်ကို စကားပြောကောင်းတယ်လို့ ပြောကြပါတယ်။ မလိုသူတွေကတော့ အီတယ်၊ ချွဲတယ် စသဖြင့် ပြောကြပါတယ်။ ရိုးရိုးသားသား ပြောသော်လည်း သူရို့က အဲလို စိတ်ထဲ ဘာ့ကြောင့် မြင်လဲ မသိပါ။ ကိုယ်ပြောတတ်သလို ပြောတာ ဖြစ်ပါတယ်။

ရေးတော့ ရေးလိုက်ပါပြီ။ အပေါင်းအသင်းတွေကြားမှာ အလိုက်ကန်းဆိုး မသိတတ်သူစပ်ဆိုးသူလို့ သမုတ်ခံရတဲ့သူ ဖြစ်ပါတယ်။

ကဲ … ဘယ်လိုလူလဲဆိုတာ သိကြလောက်ရောပေါ့။

အားမအားမသိပေမယ့် ဆက်တက်ချင်သူတွေ ရှိနေပါသေးတယ်။

ကလူသစ်၊ little master၊ ချစ်ဆွိ၊ သားဗူး တို့ကို ဆက်တက်ပါတယ်။

Another Politics Game ... ဒါမှမဟုတ် နောက်ထပ် အချိန်ဆွဲနည်း တစ်မျိုးလား...။

တစ်ချို့က မေးကြတယ်။
ဒီလိုနဲ့ပဲ ပြီးသွားတော့မှာလားတဲ့။
တစ်ချို့က ပြောကြတယ်။
ဒါဟာ ပြောင်းလဲခြင်းတစ်ခုရဲ့ အစပဲ ရှိသေးတယ်တဲ့။
စပရိတ်ဆိုတဲ့ အမျိုးဟာ ဖိလိုက်ရာကနေ ပြန်ဝကလိုက်ရင် ထန်ကနဲ ပြန်ကန်တတ်တဲ့ အမျိုးကိုး တဲ့။
တစ်ချို့ကလဲ ပြောကြတယ်။ အခုနေ ဆက်ပြီး ရှေ့မတိုးရင် နောက်ထပ် အနှစ် ၂၀ မကဘူး စောင့်ရဦးမယ်တဲ့။

ပြောတဲ့သူတွေကတော့ ကိုယ်မြင်ရာ ကိုယ်သန်ရာ ပြောနေကြတပဲ။
အခြေအနေတွေကလဲ ဒီလို ထင်အောင် ဖြစ်နေတာကိုး။
ကဲ ... မြန်မာ့အရေးကို တောက်လျှောက် လေ့လာခဲ့တဲ့ နိုင်ငံရေး သုသေတီများ ဘယ်လို ပြောကြမှာပါလိမ့်။
ပေါက်ဂဏန်းပေါ်မှ ဖေါ်တတ်တဲ့ ပေါက်ဖေါ်များဖက်ကလဲ ဘာမှ မကြားပါလား။

ဘယ်သူတွေ ဘယ်လိုပဲ ပြောနေပြောနေ တော်မကောင်း ပုဂိုလ်များ ဖြစ်ကြတဲ့ စစ်အစိုးရကတော့ ဘယ်သူ့ကိုမှ ဂရုမစိုက်တဲ့ အချိုးချိုးနေပါတယ်။
ဂမ်ဘာရီနဲ့ ကုလနဲ့ ဒီလောက် တားနေတဲ့ ကြားထဲက ခပ်တည်တည်နဲ့ ညအချိန်မတော် လူတွေ လိုက်လိုကဆွဲနေတာ ရပ်တန်းက မရပ်သေးပါဘူး။ ဘုန်းဘုန်းဘုရားများကိုလဲ ဆက်ပြီးတော့ လိမ်နေညာနေတုန်းပါပဲ။ သာသနာ ရောင်ဝါလွမ်းတဲ့ ပြည်မြန်မာကြီးမှာ ဒီလို ဘုရားမကြိုက် နတ်မကြိုက် လူ့အန်တများ မင်းမူနေတာ အံ့သြစရာပါပဲ။ ဦးပုညရဲ့ သိကြားလိမ် စာချိုးကို ခုမှ ကိုယ်တွေ့ ကြုံဖူးတော့တယ်။ ပန်းပဲဆရာကလဲ တန်ရာတန်ကြေး မရလို့ပဲလား မသိ။ ခုထိ ဦးမာဃရဲ့ ၀ရဇိန် မိုးကြိုးသွားကို မပြင်ပေးသေးဘူး ထင်ပါရဲ့။
ဒါမှမဟုတ် ဦးမာဃကြီး ဒန်းလော့နဲ့ပဲ အိပ်တော့လို့ ဗန်သုကမ်ဗလာ မြကျောက်ဖျာ တင်းတာ မသိလေရော့သလား။
လူ့ပြည်မှာတော့ ကံ ကံရဲ့ အကျိုးကို မယုံတဲ့ လူ့ငမိုက်သားများ မင်းမူနေတာကတော့ အမှန်ပဲ။
ခုလဲ တွေ့ဆုံဖို့ တွေးနွေးဖို့ စတင်ပါပြီတဲ့။ စကတည်းကိုယ်က ယဉ်သကို ဖြစ်နေပြီ။ တောင်းဆိုလိုက်တဲ့ ခြွင်းချက်တွေကလဲ တွေ့ဆုံဆွေးနွေးတာနဲ့ မတူပဲ လက်နက်ချ ခိုင်းတာနဲ့ ဘာမှ မထူးပါလား။
တွေ့ဆုံဆွေးနွေးမှု စတင်နေပါပြီဆိုပြီး အပြင်ကမ်ဘာကို လိမ်လည်ဖို့၊ သူတို့ သက်ဆိုးရှည်ဖို့ အချိန် တတ်နိုင်သမျှ ဆန့်ထားဖို့ ဆိုတာ သိသာနေပါတယ်။
ဒီဗွီဘီထဲမှာ ရာဇာလီ အစ်စမေးလ်ကတော့ ခုထိ မမှန်နိုင်သေးပဲ စစ်အစိုးရ အပေါ် မျှော်လင့်နေလေရဲ့။ သူ့ကိုယ်သူ ခဲမှန်ဖူးတဲ့ စာသူငယ်ဆိုတာ မေ့လေရော့သလား။ မျက်တောင်မွေးတဟ်ဆုံးကို မမျှောပ်နဲ့ ကိုအစ်စမေးလ်ရယ်။ ဒီစစ်အစိုးရက ညဏ်နီညဏ်နက် ညဏ်ရောင်စုံများ အများသား။ အခုတောင် မတတ်သာလို့ ဖိအားတွေ များလွန်းလို့ အန်တီစုကို ခေါ်ထုတ်ပြရတာ။ ဘာမှ အနှစ်သာရ မရှိတဲ့ တွေ့ဆုံမငပါ။ တစ်ကယ် Dialouge လုပ်ချင်တယ်ဆိုရင် ကြားမှာ ဘယ်သူပကိုမှ ခန့်ထားစရာ မလိုပါဘူး။ စားပွဲတစ်လုံးမှာ နှစ်ယောက်မျက်နှာချင်းဆိုင်ကြပြီးတော့ အကြေအလည် ပြောပါ။ အာဃာတတွေ ဘေးဖယ်ထား။ ကိုယ်လိုချင်တာကို သူနဲ့ ဖြစ်နိုင် မဖြစ်နိုင် နှစ်ဦး အကြေအလည် ဆွေးနွေး။ အဲလိုလုပ်မှ အဖြေထွက်မှာပေါ့။ ခုတော့ နှစ်ယောက်စလုံးက မြန်မာစကားလဲ ပြောတတ်ပါရဲ့နဲ့ ကြားလူကနေတစ်ဆင့် စကားပြောကြတယ် ဆိုတာ လူရီစရာ မကောင်းပေဘူးလား။ ရိုးသားမှု မရှိဘူးဆိုတာ ပေါ်လွင်မနေဘူးလား။

အရတ်က ဆက်ဒမ်လို ဖြစ်မှာ ကြောက်တယ်ဆိုရင်လဲ အပေးအယူ လုပ်။
အခုနေခါမှာ အနာဂတ် နိုင်ငံခေါင်းဆောင်မှု အပိုင်းမှာ သူတို့ မပေါပဲနဲ့တော့ ဘယ်လိုမှ အဆင်ပြေမှာ မဟုတ်တော့ဘူး။ (သူတို့ကို ကြိုက်လို့လှရယ် မဟုတ်၊ သူတို့ကိုယ်တိုင်က အာဏာကို လက်မလွတ်ချင်လုပဲ ဒီအထိ ဖက်တွယ်ခဲ့တာဆိုတော့)
ဆိုတော့ သူတို့ကိုလဲ အစိုးရပိုင်းထဲထည့်...။ ဒါပေမဲ့ ဒီမိုကရေစီ နည်းလမ်းတော့ ရှိရမှာပေါ့လေ။
ဒါမှမဟုတ် နိုင်ငံရေးအပိုင်းမှာ သူတို့ကို မပါစေချင်ရင် သူတို့ရဲ့ အနာဂတ်ကို စိတ်ချအောင် သူတို့ကို တစ်ခုခု အာမခံပေးလိုက်။
အဲလိုလုပ်မှ ပြတ်သားတဲ့ အဖြေတစ်ခု ထွက်လာလိမ့်မယ်။
ခုလို လုပ်နေရင်တော့ သူတို့က သေတဲ့ အထိ ကြောက်ကန် ကန်ပြီး မိုက်တိမိုက်ကန်း လုပ်သွားမှာ သေချာတယ်။
တစ်ခုတော့ ရှိတယ်။ အမေရိကားက သူတို့ကို Executive Sanction ဥပဒေ ပြဌာန်းလိုက်တာ သူတို့ အတော် အထိနာသွားတယ်။ အထူးသဖြင့် ဦးတေဇရဲ့ အကောင့် တစ်ချို့တစ်ဝက်ကို ပိတ်လိုက်နိုင်တဲ့ အတွက် သူတို့ရဲ့ ငွေကြေးစီးဆင်းမှု အခြေအနေ အတော် ထိခိုက်သွားတယ်။ ဒါပေမဲ့ သူတို့နင်္ တစ်နည်း မဟုတ် တစ်နည်း ပတ်သက်နေတဲ့ US Sanction ကနေ လွတ်ကင်းနေတဲ့ သူတွေရဲ့ အကောင့်ကနေတစ်ဆင့် သူတို
့ သက်ဆိုးရှည်နိုင်တယ်ဆိုတာ မေ့မထားသင့်ဘူး။
ကိုမိုးသီး ဘလော့ဂ်ထဲမှာ အဲဒီလို သွယ်ဝိုက်သောနည်းနဲ့ ပတ်သက်နေတဲ့သူတွေ စာရင်းကို ရှင်းပြ ပြုစုပြထားတာ ရှိတယ်။ အမေရိကန် အစိုးရကလဲ အဲဒီလို လက်ခုပ်ကြားထဲက လွတ်နေတဲ့ စာရင်းကို အလိုရှိပါတယ်တဲ့။ နီးရာ လက်တို့ အကြောင်းကြားပေးပါ။

တစ်ခုတော့ သတိထားရလိမ့်မယ်။ ချောင်ပိတ် အရိုက်ခံရတဲ့ ခွေးများ ကိုက်မိရင် အတော်နာတယ် တာသွားတယ်ဆိုတာပဲ။
သူတို့ခမျာ ခုတော့ နေစရာဆိုလို့ ကြပ်ပြေးပဲ ရှိတော့တယ်။ အဟက်။

မိုက်သည်ထက် မိုက်လုံးကြီးနေကြမည့် ကမ်းမမြင် လမ်းမမြင် ပင်လယ်ထဲရှိ ဆင်သေပေါ်က ကျီးမိုက်များ

အခုလို အထိမခံ ရွှေပန်းကန် ဖြစ်နေတဲ့ မြန်မာ့အရေးကို သက်ဆိုင်သူများက သတိကြီးစွာထားပြီး ကိုင်တွယ်ဖို့ လိုနေပါတယ်။ ကုလဖက်ကလည်း အရာရာကို အလေးထားပြီး လုပ်ကိုင်ဆောင်ရွက်ဖို့ လိုပါတယ်။ တရုတ်ကြီးကို ကြောက်ပြီး သူ့အလိုကျ စာသားတွေ ပြင်လိုက်ရတယ်ဆိုတာ မဖြစ်သင့်တဲ့ အရာပါ။ ကုလရဲ့ အထက်မှာ ဘယ်သူမှ မရှိနိုင်ပါဘူး။ မရှိသင့်ပါဘူး။ ဒါပေမဲ့ အခု ကုလက လုံခြုံရေးကောင်စီဝင်များ သဘောတူ ထုတ်မဲ့ ကြေငြာစာတမ်းမှာ တရုတ်ကြီးက စာသားတွေ လိုက်ပြင်နေတာ မကောင်းပါဘူး။ စစ်အစိုးရအနေနဲ့ အားကိုးရသွားစေတဲ့ ပြယုဂ်ပါ။ တရုတ်ကြီးက သူတို့ဖက်မှာ ရှိနေတယ်ဆိုတာကို သက်သေပြလိုက်တာပါပဲ။ တရုတ်ကြီးကလဲ သူ့အကျိုးစီးပွား ထိခိုက်မဲ့ ကိတ်စမှန်သမျှ ရှောင်ရှားလုပ်ကိုင်သွားမဲ့ သဘော ရှိနေတဲ့ အတွက် သူ့အညှာကို ကိုင်ရမှာ ဖြစ်ပါတယ်။

၁။ အခု တရုတ်ကြီးဟာ ၂၀၀၈ အိုလံပစ်ပွဲတော်အတွက် အလေးထား စိုင်းပြင်း ဆောင်ရွက်နေပါတယ်။ ဒါက ပထမဆုံးသော အချက်ပါ။

၂။မြန်မာပြည်ကို ရောက်နေတဲ့ သူ့နိုင်ငံသားများ တစ်ခုခု မဖြစ်သေးပါ။ ဒီအညှာကို ရေးလိုက်ရတာက မလွှမရှောင်သာလို့ပါ။ မည်သူမဆို မိမိရဲ့ အကျိုးစီးပွားကို မထိခိုက်မချင်း ကိတ်စတစ်ခုခုကို စိတ်ဝင်တစား ကိုင်တွယ်ဖို့ ဆိုတာ ခံယဉ်းပါတယ်။ (ဥပမာ-ဂျပန်ကို ကြည့်ပါ။ ပထမ ခပ်မဆိတ်နေပါတယ်။ သူ့နိုင်ငံသားကို ထိတော့ လက်ရှိအကူအညီကလွဲလို့ နောက်ထပ် အကူအညီများ မပေးနိုင်ပါလို့ ပြောပါတယ်။ နောက်တော့် ဒုတိယနိုင်ငံခြားရေး ၀န်ကြီး ကိုယ်တိုင် ရန်ကုန်ကို လာတယ်၊ ဗွီဒီယိုမှတ်တမ်းများ အသေအချာ စစ်ဆေးကြည့်တော့ စစ်အစိုးရ လိမ်ညာထားသလို မတော်တဆ ပစ်ခတ်မှုကြောင့် မဟုတ်ပဲ သေချာ ချိန်ရွယ်ပြီး ပစ်ခတ်ခံလိုက်ရတယ်လို့လဲ ကြားရော လက်ရှိ အကူအညီများကို ရပ်တန့်လိုက်တယ်လို့ ကြေငြာသွားပါတယ်။)
၃။ မြန်မာနိုင်ငံရဲ့ သယံဇာတများကို လက်လွတ်မခံနိုင်လောက်အောင် ဖြစ်နေပါတယ်။ (အထူးသဖြင့် စွမ်းအင်ရှားပါးမှု ပြသနာကို ရင်ဆိုင်နေရတဲ့ သူ့အတွက် မြန်မာနိုင်ငံရဲ့ ကမ်းလွန်ရေနံနဲ့ သဘာဝ ဓါတ်ငွေ့များဟာ အရေးကြီးပါတယ်။)

ဒီအချက်တွေအပေါ် အခြေခံပြီးတော့ တရုတ်ကို ဖိအားပေးနိုင်ဖို့ ကြိုးစားရင်တော့ တရုတ်အစိုးရအနေနဲ့ မြန်မာပြည်တွင်းရေးဟာ ပြည်တွင်းရေးပဲ၊ ဒေသလုံခြုံရေးကို မထိခိုက်ပါဘူးလို့ ထပ်အော်နိုင်ဦးမလား ဆိုတာ စဉ်းစား အဖြေရှာကြပါ။

တရုတ်အစိုးရဟာ မြန်မာပြည်သူတွေအတွက်တော့ မျက်စိထဲက သဲပါ။ ပြည်သူတွေ ဒီလောက်ထိ သတ်ဖြတ်ခံရ၊ နှိပ်ကွပ်ခံရ၊ နှိမ်နှင်းခံနေရတာကို ထိထိရောက်ရောက် လုပ်ပေးနိုင်တာ မရှိပါ။ သူတို့ကိုယ်တိုင်ကလဲ ရင်ပြင်နီ အရေးအခင်းတုန်းက ကျောင်းသားများကို တင့်ကားနဲ့ အရှင်လတ်လတ် တက်ကြိတ်ဖူးလေတော့ ပြောရင် သူတို့ပဲ ပြန်ထိမယ်လို့ မှတ်ယူလေသလား မသိ။
မရှက်ပါနဲ့။ အမေရိကန်တွေတောင် တစ်ချိန်က ဟာဝိုင်ရီကျွန်းကို သူ့ပိုင် နယ်မြေအဖြစ် ဘုရင်မကို ဖြုတ်ချပြီး မတရား အတင်းတက်သိမ်းခဲ့လို့ အမေရိကန် တက်ကသိုလ်ကျောင်းသားများ ဆန်ဒပြတော့ စစ်အင်အားသုံးပြီး နှိမ်နင်းခဲ့ဖူးတဲ့ ရုပ်ဆိုးတဲ့ သာဓကတွေ ရှိခဲ့ဖူးပါတယ်။ ဒါပေမဲ့လဲ အမေရိကန်တွေ ကိုယ်တိုင်အခုတော့ ပြင်သင့်တာပြင် ပယ်သင့်တာတွေ ပယ်ပြီး ကမ်ဘာ့အဘယ် မျက်နှာပန်းလှဖို့ ကြိုးစားနေတာပဲ။ ကိုပေါက်ဖေါ်တို့ကတော့ မိုက်တွင်း ဆက်နက်ဦးမယ်ဆိုရင်တော့ ကုလမှာ ကြာရှည်ရပ်နိုင်ပါဦးမလား။

ကုလရဲ့ ဥပဒေတွေလဲ ပြန်လည် ပြင်ဆင်သင့်ပါပြီ။ အရေးယးသင့်တဲ့ နေရာ၊နိုင်ငံတွေကို အချိန်မီ ဆိုးဖြတ်ချက် မချနိုင်တော့ မဖြစ်သင့်တာတွေ ဖြစ်နေတာ သက်သေသာဓကများ ရှိနေပါတယ်။ ဥပမာ- ဆူဒန်၊ ကှိုဆိုဗို အရေးအခင်းများ။

လုံခြုံရေး ကောင်စီဝင်များရဲ့ ဗီတိုအာဏာ (ခေတ်နဲ့ လျော်ညီစွာ ဗီတိုအာဏာ အသုံးပြုခွင့်ကို ခြွင်းချက်ထားဖို့ အစရှိသဖြင့်။)

- အခုတော့ တရုတ်နဲ့ ရုရှားအားကိုးကြောင့် မြန်မာစစ်အစိုးရဟာ ကုလလို အဖွဲ့အစည်းရဲ့ အကြံပြုချက်ကို မထီမဲ့မြင် ပြုက ငါတို့နိုင်ငံရေးဟာ ငါတို့ အရေးသာ ဖြစ်တယ် ဆိုတဲ့ ၁၉ နှစ်ကြာ လက်သုံးစကားကို တွင်တွင်ကြီးသုံးကာ ဖြေရှင်းနေတာ ပြည်သူတွေရဲ့ အသက် ဘယ်လောက်အထိ အစတေးခံရမလဲ။
- ဂမ်ဘာရီ ရောက်လာတုန်းက ကောင်းပြီ ကောင်းရဲ့ တွေ့ဆုံဖို့ လုပ်ဆောင်နေပြီ ဘာညာနဲ့ လူကြားကောင်းအောင် နှပ်လွှတ်ချလိုက်ပြီး အပြီးသတ်ကျမှ အဖျားရှုးလုပ်လိုက်တာဟာ ကုလကို အထူးသဖြင့် နိုင်ငံတကာကို မထေမဲ့မြင် မလေးမစား လုပ်ရာ ကျနေပါတယ်။
- အစိုးရကို ထောက်ခံတဲ့ ဆန်ဒပြပွဲများကိုလဲ တစ်အိမ်တစ်ယောက် မလာမနေရ တစ်ချက်လွတ်အမိန့်နဲ့ တက်ခိုင်းပြီး နိုင်ငံတကာကို ဗြောင်လိမ်နေတဲ့ စစ်အစိုးရအတွက် သက်ဆိုးရှည်အောင် တရုတ်က လုပ်နေတာလား။
- လူ ၅ ယောက်ထက်ပိုပြီး စုဝေးခွင့်မရှိလို့ အမိန့်ထုတ်ထားတဲ့ ရန်ကုန်လို နေရာမျိုးမှာ ပြီးခဲ့တဲ့ သောကြာနေ့က ကြံဖွံ့တွေ သောင်းချီပြီး ဆန်ဒပြပွဲလုပ်ပြခဲ့တာဟာ ဘာသဘောလဲ။ စစ်အစိုးရဟာ အပြောနဲ့ အလုပ် မညီဘူးဆိုတာ နိုင်ငံတကာက လက်ခံသင့်ပြီး လိုအပ်တဲ့ အရေးယူ ဆောင်ရွက်မှုတွေကို အကောင်အထည်ဖေါ်ဖို့ လိုပါပြီ။
- ကြံ့ဖွံ့ဟာ နိုင်ငံရေး အသွေးအရောင် မပါတဲ့ အဖွဲ့အစည်း ဖြစ်ပါတယ်ဆိုပြီး အခုလိုပွဲမှာ အစိုးရက ရုပ်မြင်သံကြားကနေ ထုတ်လွှင့်ပြနေတာ အစိုးရရဲ့ ကျောထောက်နောက်ခံမပါဘူးဆိုရင် သက်သေပြပါ။
- ဂမ်ဘာရီက ဒေသတွင်း လှည့်လည်ပြီး သက်ဆိုင်ရာ နိုင်ငံမျာားရဲ့ သဘောထားကို တောင်းခံချိန်မှာ အချိန်ကိုက် ဒီထောက်ခံပွျဲွှေ လုပ်နေတာဟာ စစ်အစိုးရရဲ့ ဗြောင်လိမ်ဖို့ ခြေလှမ်းဖြစ်တဲ့ လုပ်နေကျ အကွက်ဖြစ်ကြောင်း နိုင်ငံတကာက သိရှိဖို့ လိုနေပါပြီ။

ချုပ်ရရင်တော့ ဆင်သေထက်က ကျီးမိုက်ဆိုတဲ့ ပုံပြင်တော့ ကြားဖူးမှာပေါ့။
အခုလဲ နအဖအစိုးရဟာ အဲဒီ ကျီးမိုက်နဲ့ ဘာမှ မထူးတော့ပါဘူး။
လှုပ်လေ၊ မြုပ်လေ သေမထူး နေမထူးတွေပါ။
အာဏာလွဲပေးလိုက်ရင် သူတို့ အပေါ် တန်ပြန်လာမဲ့ လောကပါလာ တရားများကို ကြေက်ရွံ့လို့၊ ဆက်ဒမ်လို အဖြစ်ခံရမှာစိုးလို့ သေတွှ့ထိ ဆက်မိုက်သွားမယ့် ကျီးမိုက်များအား ဒီ့ထက် ပြည်သူတွေ အပေါ် ဆက်ပြီး မနှိပ်စက်၊ မသတ်ဖြတ်နိုင်အောင် ကြိုးစားသွားကြပါစို့။

မတရားသော စစ်အာဏာရှင်စနစ် ကျဆုံးရမည်။

A Piece of News

မနေ့က နိုင်ငံပိုင် ရုပ်မြင်သံကြားကနေ အစိုးရက ထူးခြားတဲ့ သတင်းတစ်ခု ကြေငြာသွားပါတယ်။ ဒေါ်အောင်ဆန်းစုကြည်အတွက် ဆက်သွယ်ရေး အရာရှိတစ်ဦး ခန့်အပ်လိုက်တဲ့ အကြောင်း၊ အဆိုပါ ဆက်သွယ်ရေး အရာရှိဟာ အလုပ်သမားဝန်ကြီးဌာနက ဒုတိယ၀န်ကြီး ဖြစ်တဲ့ ဦးအောင်ကြည် ဖြစ်ပါတယ်။ ဦးအောင်ကြည်ဟာ အငြိမ်းစား ဗိုလ်ချုပ်တစ်ဦးလဲ ဖြစ်ကြောင်း သိရပါတယ်။


The Mask ဟာသရုပ်ရှင်နဲ့ နာမည်ကြီးလာတဲ့ ဂျင်မ်ကာရေး မင်းသားဟာ မြန်မာနိုင်ငံရဲ့ အရေးကိတ်စကို စိတ်ဝင်စားသူ ဖြစ်သလို့ ဒေါ်အောင်ဆန်းစုကြည် လွှတ်မြောက်ရေးအတွက်ကို လူသိရှင်ကြား တီဗွီမှာ ထုတ်ဖေါ်ထောက်ခံဖူးတဲ့ နာမည်ကြီး celebrity တစ်ဦးဖြစ်ပါတယ်။ အမေရိကားမှာ ကျင်းပခဲ့ US Campaign for Burma ရဲ့ ဆန်ဒပြပွဲ မတိုင်ခင်ကလဲ အမေရိကန် အစိုးရကို မြန်မာနိုင်ငံအပေါ် ဖိအားပေးဖို့၊ လက်နက်ရောင်းဝယ်ဖောက်ကားမှုတွေ မပြုလုပ်ဖို့ ထပ်မံ တောင်းဆိုခဲ့ပါတယ်။

မြန်မာနိုင်ငံမှာ လွန်ခဲ့တဲ့ နာရီအနည်းငယ်လောက်က စပြီး (ခန့်မှန်းခြေ မြန်မာစံတော်ချိန် မွန်းလွဲပိုင်း တစ်နာရီကျော်) ၁၀ ရက်နီးပါး ပိတ်ထားတဲ့ အင်တာနက် အဆက်အသွယ်ကို ပြန်လည် ဖွင်လှစ်ပေးလိုက်ပါတယ်။ ရန်ကုန်က အွန်လိုင်းတက်လာသူများကိုသာ တွေ့ရပြီး အခြာနယ်များ ဖွင့်ပေး မပေးကိုတော့ စောင့်ကြည့်ရပါမယ်။ အင်တာနက်တွေ ပြန်ဖွင့်ပေးခဲ့ပေမယ့် သတိထားမိသလောက် ကော်နက်ရှင်များ နှေးနေတယ်လို့ ပြောနေကြပါတယ်။ အင်တာနက် Port ကို 8080 ကနေ ဖွင့်ပေးမှာ သေချာတဲ့အတွက် ဘယ်အိုင်ပီက ဘယ်ကို ချိတ်နေတယ်ဆိုတာကို မလွဲမသွေ စောင့်ကြည့်နိုင်ပါတယ်။ မြန်မာပြည်တွင်းက အင်တာနက် အသုံးပြုသူများ သတိထားပြီး သုံးကြပါလို့ ပြောလိုပါတယ်...။

စင်ကာပူက မြန်မာနိုင်ငံသား မပါတဲ့ ဆန်ဒပြပွဲ

ပြီးခဲ့တဲ့ အပတ်က စလုံးက မြန်မာသံရုံးရှေ့မှာ ဆန်ဒပြပွဲ ကျင်းပတာကို ဦးဆောင် စည်းရုံးခဲ့တဲ့ စလုံး အတိုက်အခံပါတီ စင်ကာပူ ဒီမိုကရက်တစ်ပါတီ ဟာ ဒီနေ့ ၁၂း၀၀ နာရီမှာပဲ မြန်မာ့အရေးနဲ့ ပတ်သက်ပြီး စင်ကာပူနိုင်ငံက စီးပွားရေး အဆက်အဆံ မရှိစေရေး၊ လက်နက် မရောင်းဝယ်ဖေါက်ကားမှု မပြုလုပ်ရေး၊ စတဲ့ ကြွေးကြော်သံပါ ပိုစတာတွေ ကိုင်ဆောင်ပြီး အောချတ်လမ်းက အစ်စတန်နာ ကုန်တိုက်ရှေ့မှာ ဆန်ဒပြကြပါတယ်။ ပြပြချင်းမှာပဲ အရပ်ဝတ်စုံနဲ့ စလုံးရဲများက ဆန်ဒပြသူထဲက လူလေးယောကို ဖမ်းသွားတယလို့ သိရပါတယ်။ စလုံး သတင်းတွေမှာတော့ ဒီအကြောင်း မပါသေးပါဘူး။ ဖတ်ချင်ရင် အောက်က လင့်မှာ သွားဖတ်နိုင်ပါတယ်။

http://www.earthtimes.org/articles/show/120507.html

မြန်မာ့အရေး အပေါ် ပြည်သူတစ်ယောက်မြင် ၁

မိမိဟာ မြန်မာနိုင်ငံသား တစ်ယောက် ဖြစ်ပါတယ်။ နိုင်ငံရေး သမား မဟုတ်ပါ။ ဒါ့ကြောင့် အခုအမြင်တွေဟာ ပြည်သူတစ်ယောက်အနေနဲ့ မိမိရဲ့ နိုင်ငံရေး အမြင်များကို ဖော်ပြခြင်း ဖြစ်ပါတယ်။ ကြက်ဥအရောင် တိမ်တောင် သဖွယ် မင်းရေးကျယ်၊ ပြည်ထဲအရေး ပေါက်နဲ့ကျေး ဆိုသလို နိုင်ငံရေးဟာဖြင့် ရှုပ်ထွေးလှပါတယ်။
ကဲပါ။ အခု လက်ရှိ ဖြစ်ပေါ်နေတဲ့ နိုင်ငံရေးကို လေ့လာကြည့်ရအောင်။
အားလုံး သိကြတဲ့ အတိုင်းပဲ။ ကုလ ကိုယ်စားလှယ် မြန်မာပြည်ကို လာ ပြီး ပြန်သွားပါတယ်။ အောက်တိုဘာ ၅ ရက်နေ့မှာ လုံခြုံရေးကောင်စီ အစည်းအဝေးမှာ မြန်မာပြည်နဲ့ ပတ်သက်လို့ သူတွေ့ရှိခဲ့သည်များကို အိတ်သွန်ဖါမှောက် ပြောသွားပါတယ်။ မြန်မာ စစ်အစိုးရကိုလဲ ပြင်းပြင်းထန်ထန် ပြစ်တင်ဝေဖန်သွားပါတယ်။
ဒီတံခါးဖွင့် အစည်းအဝေးကို အားလုံးသော လေ့လာသူများကိုပါ တက်ရောက်စေခဲ့တာ တွေ့ရပါတယ်။ ပြည်ပရောက် မြန်မာဘုန်းကြီးများလဲ တက်ရောက်ခဲ့တာ တွေ့ရပါတယ်။
အစည်းအဝေးအပြီးမှာတော့ အမေရိကန်နိုင်ငံက မြန်မာစစ်အစိုးရရဲ့ ငြိမ်းချမ်းစွာ ဆန်ဒပြသူများအပေါ် အကြမ်းဖက်နှိမ်နင်းနေတဲ့ လုပ်ရပါများကို ချက်ချင်းရပ်တန့်ပေးဖို့ တောင်းဆိုလိုက်ပါတယ်။ အကယ်ရ်ျ တောင်းဆိုမှုများကို လိုက်လျောခြင်းမရှိပါက ကုလ အနေနဲ့ ဆက်လက် ကျင့်သုံးရမယ့် အရေးယူ လုပ်ဆောင်ဖွယ်ရာများကို အမေရိကန်အနေနဲ့ ဦးဆောင် တင်ပြသွားမယ်လို့ ပြင်းပြင်းထန်ထန် ပြောဆိုလိုက်ပါတယ်။
ဂမ်ဘာရီကြီး ကုလ လုံခြုံရေးအစည်းအဝေးမှာ မြန်မာပြည်နဲ့ ပါတ်သက်လို့ မတင်ပြခင် ကြာသပတေးနေ့ညက နိုင်ငံပိုင် ရုပ်မြင်သံကြား ဖန်သားပြင်ပုံရိပ်မှာ ပြည်သူလူထု ရှေ့မှောက် ၄ နှစ်ကျော်ကြာ ပျောက်ကွယ်နေတဲ့ ပြည်သူ့အချစ်တော် ခေါင်းဆောင် ဒေါ်အောင်ဆန်းစုကြည်ရဲ့ ပုံရိပ်လွှာကို ဂမ်ဘာရီနဲ့ တွေ့ဆုံတုန်းက ရိုက်ကူးထားချက်များကို ထုတ်လွှင့်သွားခဲ့ပါတယ်။ ဒီတစ်ခါမှာတော့ ခါတိုင်း နိုင်ငံပိုင် သတင်းစာ၊ ရုပ်မြင်သံကြားတွေမှာ သုံးနှုန်းနေကျ ငါးစိမ်းသည် အသုံးအနှုန်း ဖြစ်တဲ့ ဘိုကတော်၊ ကုလားမယား၊ ဒေါ်စု စတဲ့အသုံးအနှုန်းတွေကို ရှောင်ရှားပြီး “ဒေါ်အောင်ဆန်းစုကြည်“ ဆိုတဲ့ အသုံးအနှုန်းနဲ့ တင်ဆက်ထုတ်လွှင့်သွားတာကို အနောက်နိုင်ငံက မြန်မာ့နိုင်ငံရေး လေ့လာနေတဲ့ ပုဂ်ဂိုလ်များတောင်သတိပြုမိသွားပါတယ်။ သွေးဆူနေသော ပြည်သူလူထုကို ချွေးသိပ်တဲ့ သဘောလို့ ထင်ပါတယ်။

အဲဒီနောက် တွေ့ဆုံဆွေးနွေးရေး Dialouge ဆိုတဲ့ စကားရပ်ကို နားထဲမှာ လွန်စွာ ခါးသီးနေပုံရတဲ့၊ လက်တွေ့ ကျင့်သုံးရမှာကို အလွန်အမင်း စိုးရွံ့နေတဲ့ ဗိုလ်ချုပ်မှူးကြီး သန်းရွှေဟာ အန်တီစုနဲ့ တွေ့ဆုံဖို့ ကမ်းလှမ်းလိုက်တာဟာ သာမာန်အားဖြင့်တော့ သူတို့ဖက်က လိုက်လျောတဲ့ ဘောလို့ ထင်ရတာပါပဲ။ အဲန်အယ်လ်ဒီဖက်က တောက်လျှောက် တောင်းဆိုလာခဲ့တဲ့ Dialouge ကို စစ်အစိုးရ အနေနဲ့ အခုမှ လက်ခံတယ်ဆိုတာ သံသယ ၀င်ဖို့ ကောင်းပါတယ်။


ထင်တဲ့အတိုင်းပါပဲ စစ်အစိုးရက တောင်းဆိုလာတဲ့ နှစ်ဦးနှစ်ဖက် တွေ့ဆုံစကားပြောဆိုညှိနှိုင်းရေး Dialouge ရဲ့ နောက်မှာ တရားမျှတမှု မရှိတဲ့ တောင်းဆိုချက်တွေပါ ပါလာပါတယ်။
အဲဒီ ခြွင်းချက်တွေကတော့
ဒေါ်အောင်ဆန်းစုကြည်အနေနဲ့
၁။ Confrontation လို့ ဆိုတဲ့ ထိပ်တိုက်ရင်ဆိုင်ရေး လမ်းစဉ်ကို ပျယ်ဖျက်ရမယ်။
၂။ Utta Devastation လို့ ဆိုတဲ့ အလုံးစုံ ပျက်သုဉ်းရေးဆိုတဲ့ လမ်းစဉ်ကို လက်ကိုင်မထားရဘူး။
၃။ မြန်မာနိုင်ငံအပေါ် အနောက်နိုင်ငံများ၊ ဥရောပနိုင်ငံများက ချမှတ်ထားတဲ့ စီးပွားရေး ပိတ်ဆို့မှု မူဝါဒများကို ထောက်ခံခြင်းကို ရုပ်သိမ်းပေးရမယ်။

ဆိုတဲ့ အချက်တွေ ဖြစ်ပါတယ်။
ဒီတောင်းဆိုချက်တွေဟာ တရားမျှတာမှု ရှိရဲ့လားဆိုတာကို တောင်းဆိုသူကိုယ်တိုင် သိမသိ တော့ မသိရပါဘူး။ လေ့လာသူများ အဆိုအရတော့ လက်ခံနိုင်ဖွယ် အလျဉ်းမရှိတဲ့ တောင်းဆိုချက်တွေ လို့ ဝေဖန် ပြောဆိုသွားကြပါတယ်။
သို့အတွက်ကြောင့်လဲ အဆိုပါနှစ်ဦးနှစ်ဖက် တွေ့ဆုံဆွေးနွေးရေး အစီအစဉ်ဟာ တစ်ဘတ်သတ် တောင်းဆိုမှုများကြောင့် ပျက်ပြားသွားပါတယ်။

ကုလမှာ ဂမ်ဘာရီက မြန်မာနိုင်ငံအကြောင်းကို တင်ပြပြီးနောက်တစ်နေ့ စနေနေ့ အောက်တိုဘ ၅ ရက်နေ့မှာ ရန်ကုန်မြို့မှာ နေ၀င်မီးငြိမ်း curfew အမိန့်ကို ရုပ်သိမ်းလိုက်တယ်လို့ သိရပါတယ်...။ ရှစ်ရက်ကြာလောက် ဖြတ်တောက်ခဲ့တဲ့ အင်တာနက် ဆက်သွယ်ရေးကို ည ၁၀း၀၀နာရီ နဲ့ မနက် ၄း၀၀ နာရီကြားမှာသာ သုံးခွင့်ပေးထားတာ တွေ့ရပါတယ်။

မြန်မာနိုင်ငံနဲ့ အဆက်အသွယ်အများဆုံး၊ အကျိုးအမြတ် အများဆုံးရနေတဲ့ တရုတ်နိုင်ငံကတော့ မြန်မာ့အရေးဟာ ပြည်တွင်းရေး ဖြစ်ကြောင်း ဒေးသတွင်းလုံခြုံရေးကို မထိခိုက်ကြောင်း တစ်သွင်သွင် ပြောဆိုနေဆဲ ဖြစ်ပြီး အကယ်ရ်ျ အခုလာမဲ့ တနင်္လနေ့မှာ အမေရိကန်နိုင်ငံက တင်သွင်းလာနိုင်ဖွယ်ရှိတဲ့ မြန်မာနိုင်ငံအပေါ် အရေးယူဆောင်ရွက်ရေး အကြံပြုစာတမ်းကို ကုလမှာ ဗီတိုအာဏာသုံးပြီး ပယ်ချဖွယ်ရှိတဲ့ သဘောထားကို ပြောနေပါတယ်။

အိနိယနိုင်ငံကတော့ ခပ်မဆိပ်နေတုန်းပါပဲ။ ဒါပေမဲ့ အောက်လွှတ်တော်အမတ်များက အိနိယအစိုးရကို မြန်မာနိုင်ငံအရေးနဲ့ ပါတ်သက်ပြီး ရေငုံနှုတ်ပိတ်နေမှုနဲ့ ပါတ်သက်လို့ ပြစ်တင် ဝေဖန်မှုတွေ တစ်နေ့တစ်ခြား ကျယ်လောင်စွာ ကြားနေရပါတယ်။

မိမိရဲ့ နိုင်ငံသားကို မထိခင်တုန်းကတော့ မြန်မာ့အရေးကို စိတ်မ၀င်စားခဲ့တဲ့ ဂျပန်နိုင်ငံဟာ မိမိနိုင်ငံသား သတင်းထောက် တစ်ယောက် ဆန်ဒပြပွဲမှာ သတင်းယူရင်း သေဆုံးလာရာမှ မြန်မာ့အရေးကို စတင် ဝေဖန် ပြောဆိုလာတာ တွေ့ရပါတယ်။ အဆိုပါသေဆုံးမှုနဲ့ ပါတ်သက်ပြီး စစ်အစိုးရကို စုံစမ်းစစ်ဆေးမှုများ ပြုလုပ်ပေးဖို့ ချက်ချင်းတောင်းဆိုခဲ့ပါတယ်။ စစ်အစိုးရက အဆိုပါ သေဆုံးမှုဟာ မတော်တဆမှုကြောင့် ဖြစ်ရပါတယ်လို့ ဖြေရှင်းချက် ထုတ်ခဲ့ပါတယ်။ ဂျပန်အစိုးရက လက်ရှိ မြန်မာနိုင်ငံကို ကူညီထောက်ပံ့နေတဲ့ လူသားချင်း စာနာထောက်ထားမှု အကူအညီများမှ အပ နောက်ထပ်သော အကူအညီများ ပေးရေးကို ဆိုင်းငံ့ထားမယ်လို့ ကြေငြာခဲ့ပါတယ်။ တစ်ဆက်တည်းမှာပဲ ဒုတိယ နိုင်ငံခြားရေးဝန်ကြီးကို အဆိုပါ သတင်းထောက် သေဆုံးမှုအတွက် အသေးစိတ် ထပ်မံ စုံစမ်းမှုများ ပြုလုပ်ဖို့ မြန်မာနိုင်ငံကို စေလွှတ်ခဲ့ပါတယ်။ ထပ်မံပြုလုပ်ခဲ့သော စုံစမ်းမှုများ၊ နောက်ထပ် ထွက်ပေါ်လာသော ဗွီဒီယိုမှတ်တမ်းများအရ အဆိုပါ သတင်းထောက်ဟာ မတော်တဆ ပစ်ခတ်လိုက်တဲ့ ကျည်ဆံသင့်ပြီး အသက်ဆုံးသွားတာ မဟုတ်ပဲ တမင်ထိအောင် ပစ်လိုက်တာ ဖြစ်ကြောင်း သိလာရပါတယ်။ ဒီမှာတင် ဂျပန်တို့က ပိုမို စိတ်ဆိုး ဒေါသထွက်သွားပြီး လက်ရှိ မြန်မာနိုင်ငံကို အကူအညီပေးနေမှုများကို ရပ်ဆိုင်းလိုကပါတယ်။ အဲဒီအတွက်ထိခိုင်သွားတာကတော့ ကျန်းမာရေးဆိုင်ရာ လုပ်ငန်းစဉ်များ ဖြစ်ပါတယ်။ မြန်မာနိုင်ငံရဲ့ ပိုလီယိုရောဂါ ပပျောက်ရေး စီမံချက်မှာ ဂျပန်ရဲ့ အကူအညီ ခပ်များများ ရယူထားပါတယ်။ ဒီဖြစ်စဉ်ကို သုံးသပ်ခြင်းအားဖြင့် ဂျပန်နိုင်ငံဟာ လက်သည်းဆိတ်တော့ လက်ထိပ်နာသွားတာလို့ ယူဆနိုင်ပါတယ်။
နိုင်ငံတကာ သတင်းတွေမှာ အစောပိုင်းက ဆန်ဒပြသူများ ၁၀ ယောက်လောက် သေဆုံးမှုသတင်း ဖေါ်ပြမှုဟာ ယခု ဂျပန် သတင်းထောက် တစ်ယောက် သေဆုံးမှုလောက် များပြားခြင်း မရှိတာကို သတိထားမိပါတယ်။
သတင်းများကို ကြည့်ရတာ မိမိပြည်သူများရဲ့ အသက်ဆုံးရှုံးမှုကို နိုင်ငံခြားသားတစ်ယောက် အသက်ဆုံးရှုံးမှုလောက် တန်ဖိုးထားပုံချင်း မတူတာကို ခံစားမိပါတယ်။

အောက်တိုဘာလ ၆ ရက်နေ့ ဖြစ်တဲ့ စနေနေ့ဟာ မြန်မာ့အရေးအတွက် ကမ်ဘာ့ပြည်သူများ မည်မျှ စာနာနားလည်တာကို ပြသလိုက်တဲ့ နေ့ ဖြစ်ပါတယ်။ အဆိုပါနေ့မှာ ကမ်ဘာတစ်ဝန်းက မြန်မာပြည်သူများရဲ့ ငြိမ်းချမ်းစွာ ဆန်ဒဖေါ်ထုတ်ခွင့်အပေါ် စာနာနားလည်တဲ့ ကမ်ဘာ့ပြည်သူများဟာ မြန်မာများ ဒီမိုကရေစီတောင်းဆိုဆန်ဒပြမှုကို ဖေါ်ကျူးတဲ့ သင်္ကေတ ဖြစ်တဲ့ အကျီင်္အနီရောင်ကို ၀တ်ဆင်ကာ လမ်းများပေါ်မှာ တန်းစီလှည့်လည်ခြင်းအားဖြင့် မြန်မာပြည်သူများအား ထောက်ခံတဲ့ မိမိဆန်ဒများကို ထုတ်ဖေါ်ပြသခဲ့ကြပါတယ်။
အောက်တိုဘာလ ၄ ရက်နေ့တုန်းကလဲ ကမ်ဘာတစ်လွှားမှာ ရှိကြတဲ့ Blogger များအနနဲ့ မြန်မာပြည်သူများနဲ့ တစ်သားတည်း ဖြစ်ကြောင်းကို ဖေါ်ပြတဲ့ အနေနဲ့ မိမိတို့ရဲ့ Blog များမှာ Free Burma ဆိုတဲ့ Message ကို တစ်ချိန်တည်း တစ်ပြိုင်တည်း တစ်နေ့လုံး ဖေါ်ပြခဲ့ကြပါတယ်။

အဆိုပါ ကုလက နိုင်ငံပေါင်းစုံနဲ့ ကမ်ဘာ့ပြည်သူများရဲ့ မြန်မာ့အရေးနဲ့ ပါတ်သက်ပြီး ထောက်ခံတဲ့ လုပ်ဆောင်ချက်များကြောင့် စစ်အစိုးရဟာ သီးခြားကမ်ဘာထဲမှာ နေလို့ မရတော့တာကို သိလာရပါတယ်။
တရုတ်နိုင်ငံအနေနဲ့ သူ့ရဲ့ ဗီတိုအာဏာကို ထုတ်သုံးနိုင်တယ် ဆိုပေမဲ့ အခုအချိန်မှာတော့ သူလဲ တစ်နှစ်အတွင်း ဒုတိယအကြိမ်မြောက် ထုတ်သုံးဖို့ကို ချင့်ချိန်ရပါတော့မယ်။ သူကိုယ်တိုင် မျှော်လင့်အားခဲနေတဲ့ အိမ်ရှင်အဖြစ် လက်ခံကျင်းပပေးမဲ့ အိုလံပစ်ပွဲတော် ကျင်းပချိန်ဟာ နောက်လာမဲ့ နှစ်မှာ ကျင်းပဖို့ ရှိနေပါတယ်။ နိုင်ငံတကာကလည်း တရုတ်အစိုးရကို မြန်မာ စစ်အစိုးရကို တရားမျှတမှု မရှိတဲ့ အုပ်ချုပ်မှုအပေါ် ပြုပြင်ပြောင်းလဲဖို့ မတိုက်တွန်းရင်တော့ သူ့အိုလံပစ်ပွဲတော်ကို သပိတ်မှောက်ဖို့ လေသံ ပစ်နေပါပြီ။ တစ်ချို့စိတ်မရှည်သူတွေကတော့ အင်တာနက်အပေါ်မှာ တရုတ်နိုင်ငံ အိုလံပစ်ပွဲတော်ကို သပိတ်မှောက်ဖို့ လှုံ့ဆော်ရာမှာ လူပေါင်း တစ်သိန်းကျော် ပါဝင်ထောက်ခံတာကို တွေ့ရပါတယ်။ ကမ်ဘာတစ်ဝန်းလုံးနဲ့ ယှဉ်လိုက်ရင် လူတစ်သိန်းဆိုတဲ့ အင်အားဟာ နည်းပါးနေပါတယ်။ သို့ပေမဲ့ အဲဒီလို သူတို့ရဲ့ အထိမခံ အိုလံပစ်ကို သပိတ်မှောက်မယ်ဆိုတဲ့ အလေသံကြောင့် တရုတ်လဲ အလျှော့ပေးရမဲ့ အခြေအနေ ရှိနေပါတယ်။
တရုတ်နည်းတူ ဗီတိုအာဏာကို သုံးဖို့ စဉ်းစားနေတဲ့ နိုင်ငံကတော့ ရုရှားနိုင်ငံ ဖြစ်ပါတယ်။ မြန်မာစစ်အစိုးရဲ့ စစ်ဗိုလ်လောင်းများကို အဏုမြူနဲ့ ပတ်သက်ပြီး သင်တန်းပေးနေတဲ့ ရုရှားက တရုတ်နည်းတူ မြန်မာ့စစ်အစိုးရဆီကနေ ဓါတ်ငွေ့နဲ့ ရေနံများကို ဈေးပေါပေါနဲ့ ရယူထားရုံသာမက တရုတ်ပြည်ထက် သာသွားတဲ့ အချက်ကတော့ မြန်မာနိုင်ငံမှာ နူကလီးယား ဓါတ်ပေါင်းဖို တည်ဆောက်ခွင့်လေလံကို ရသွားတာပါပဲ။ သူလဲ မြန်မာနိုင်ငံနဲ့ ပါတ်သက်ပြီး ရရှိနေတဲ့ သူအကျိုးထိခိုက်မဲ့ ကိတ်စရပ်ကို ရှောင်လွဲလိုတဲ့ အရိပ်အရောင် ရှိပါတယ်။ အောက်တိုဘာ တစ်ရက်နေ့က ဂျီနီဗာမှာ အရေးပေါ် ကျင်းပခဲ့တဲ့ မြန်မာ့လူ့အခွင့်အရေးဆိုင်ရာ အစည်းအဝေးမှာ တရုတ်နဲ့ အတူတူ မကောင်းတတ်လို့ မြန်မာနိုင်ငံစစ်အစိုးရဲ့ ဆန်ဒပြနှိမ်နင်းမှုများကို ကန့်ကွက်ခဲ့ပေမဲ့ အခုလာမဲ့ တနင်္လာနေ့မှာ ထပ်မံကျင်းပမဲ့ မြန်မာနိုင်ငံအပေါ် အရေးယူဆောင်ရွက်ဖို့ ဆုံးဖြစ်ချက်ချမဲ့ လုံခြုံရေး ကောင်စီ အစည်းအ၀ေးမှာ ဗီတိုအာဏာ သုံးပြီး ပယ်ချမှာ မလွဲပါ။

အခု သတင်းထွက်နေတာကတော့ လာမဲ့ တနလာင်္နေ့ အစည်းအဝေးပွဲမှာ ကန့်ကွက်မဲ့နိုင်ငံတွေကတော့ တရုတ်၊ ရုရှား နဲ့ အင်ဒိုနီးရှားနိုင်ငံတို့ ဖြစ်ကြောင်း မြန်မာ့အရေးလေ့လာသူများက ပြောကြားလျက်ရှိပါတယ်။